प्रधानमन्त्री केपी शर्मा ओली अहिले निर्वाचन आयोगका पदाधिकारीसँगको छलफलमा हुनुहुन्छ ।
प्रतिनिधिसभाको आगामी बैशाख १७ र २७ गते हुने निर्वाचनको तयारी तथा व्यवस्थापनका सम्बन्धमा जानकारी लिन प्रधानमन्त्री ओली आयोगमा जानुभएको हो ।
प्रधानमन्त्री ओलीले प्रमुख निर्वाचन आयुक्तसहितका आयुक्तहरुसँग संयुक्त रुपमा छलफल गर्नुभएको छ।
प्रधामन्त्रीसँगै उपप्रधानमन्त्री इश्वर पोखरेल, अर्थमन्त्री विष्णु पौडेल, नेकपाका नेता सुवास नेवाङ्गलगायतका नेताहरु छलफलमा सहभागी हुनुहुन्छ ।
आयोगले निर्धारित मितिमा निर्वाचन गराउन मतदाता नामावली अद्यावधिक लगायतका कामहरु शुरु गरिसकेको छ ।
यसअघि मन्त्री परिषदको बैठकले निर्वाचन २ चरणमा गर्ने र दुबै चरणमा निर्वाचन हुने जिल्लाहरुको बारेमा टुंगो लगाएको परराष्ट्र मन्त्री प्रदीपकुमार ज्ञवालीले जानकारी दिनुभएको छ ।
