म्यान्मारमा सेनाले अहिलेसम्म कम्तीमा ३५ जना नेपालीभाषीलाई पक्राउ गरेको र दुई जना नेपालीभाषी मारिएका म्यान्मारस्थित नेपालीभाषीका सङ्घसंस्थाहरुले जनाएका छन्।
यसको बिरुद्द थाइल्यान्डमा पनि नेपालीभाषी बर्मेलीहरूले प्रदर्शन गरेका छन्।
म्यानमारमा रहेको सैनिक सत्तापलट लगत्तै छिमेकी थाइल्यान्डमा रहेका बर्मेली नेपाली समुदायका सदस्यहरूले विरोध जनाएका छन् ।
म्यान्मारमा लागू गरिएको सैनिक शासनविरुद्ध बैंकक र विभिन्न सहरहरूमा शान्तिपूर्ण विरोध प्रदर्शन गरेको बैंककस्थित थाइल्यान्ड नेपाली समाजका अध्यक्ष कुमार कार्कीले बताए । म्यान्मारमा जन्मिएका कार्की बिगत ३२ वर्षदेखि थाइल्यान्डमा बसोबास र व्यवसाय गरिरहेका छन्।
