काठमाडौं– नेपालमा आज थप ३३६ जना कोरोना भाइरस संक्रमित थपिएका छन् ।
स्वास्थ्य तथा जनसंख्या मन्त्रालयका अनुसार देशभरका प्रयोगशालामा ५०३० जनाको गरिएको पीसीआर परीक्षणमा ३३६ जनामा संक्रमण पुष्टि भएको हो ।
गत २४ घण्टामा २२६ जना संक्रमणमुक्त भएको मन्त्रालयले जनाएको छ । अहिलेसम्म संक्रमणमुक्त हुने २ लाख ६२ हजार ८ सय ६८ जना छन् । नेपालमा निको हुने दर ९७ दशमलव ९ प्रतिशत रहेको छ ।
कोरोना संक्रमणबाट थप ४ जनाको मृत्यु भएको छ । अहिलेसम्म मृत्यु हुनेको संख्या १९७९ रहेको छ ।
उपत्यकामा १९८ संक्रमित
गत २४ घण्टामा काठमाडौं उपत्यकामा १९८ जना संक्रमित भएका छन् । तीमध्ये काठमाडौंमा १४६, भक्तपुरमा १६ र ललितपुरमा ३६ जना संक्रमित थपिए ।
